Jorunn Undheim er frå Undheim og er utdanna songar og songpedagog frå Complete Vocal Institute i København. Ho har jobba som artist sidan 2013. I 2015 gav ho og pianist Bjørge Verbaan ut julealbumet «Heim te jul» med ei jærske utgåve av Maria Mena sin Home for Christmas, omdikta av Bothild Åslaugsdotter Nordsletten. I 2019 gav dei to òg ut albumet «Der draumar sviv – Haugtussa i nye tonar» med 14 nye tonsetjingar av Haugtussa.

Bjørge Verbaan er utdanna pianist frå NTNU og har jobba frilans som musikar og komponist sidan 2001. Han har skrive musikk til musikalen «Askepotts jul», som gjekk på Latter, til førestillinga «Oberst Krebs og jakten på festningssverdet», som går på Kongsvinger festning, og til albummet “Der draumar sviv – Haugtussa i nye tonar”. For tida speler han på førestillinga Chess på Folketeateret og han spelar konsertar saman med artistane Signe Marie Rustad og Erik Lukashaugen.

I konserten «Viser på jærsk» får du høyre engelske og norske viser som er omsette til jærsk eller til nynorsk. Omskrivingane av dei norske visene står Undheim for sjølv, medan omskrivingane av dei engelske er gjorde av Bothild Åslaugsdotter Nordsletten, Johannes Gjerdåker og Håvard Rem.

He du fyr: https://www.youtube.com/watch?v=DRec7MywogM

Adle vett jo dæ: https://www.youtube.com/watch?v=Kzgf05gnVBU

Billetter selges på Linticket.no.
De som ikke er fortrolige med dette kan bestille på SMS til 911 62 407 (Odd)